Silk Avia chiptalarini Kontakt markazi orqali xarid qilish mumkin

Endi yoʻlovchilar “Silk Avia” mintaqaviy aviakompaniyasining reyslariga chiptalarni “Uzbekistan Airports” yagona aloqa markaziga qoʻngʻiroq qilib xarid qilishlari mumkin. Aviachipta sotib olish uchun yo'lovchi +99855 501 22 12 telefon raqami orqali Aloqa markaziga murojaat qilishi va operatorga yo‘nalish, jo‘nash sanasi, to‘liq ism-sharifini, aloqa telefon raqami va elektron pochta manzilini aytishi kerak. Chipta broni va Click to'lov tizimi orqali to'lash uchun havola elektron pochtaga yuboriladi. Agar Click mobil ilovasi o'rnatilmagan bo'lsa, to'lash uchun karta ma'lumotlarini kiritish kerak bo'ladi. Aeroportda yo'lovchi to'g'ridan-to'g'ri ro'yxatdan o'tish joyidagi agentga murojaat qilishi va bortga chiqish talonini olish uchun pasportini ko'rsatishi kerak. Siz UzCard yoki Humo bank kartalari orqali xizmatlar uchun shu tarzda milliy valyutada to‘lashingiz mumkin. Shuningdek, yo‘lovchilar Silk Avia chiptalarini aviakompaniyaning rasmiy www.silk-avia.com sayti yoki barcha xalqaro aeroportlarning kassalarida naqd va Humo, UzCard, shuningdek Visa, Mastercard va boshqalar orqali xarid qilishi mumkin. Eslatib o‘tamiz, avvalroq Toshkent aeroportida ANOR va CIP zallarida qolish, shuningdek, Fast Track xizmatlarni yagona aloqa markazi orqali xarid qilish yo‘lga qo'yilgan edi.