Umumiy qoidalar

Eslatib o'tamiz, Oʻzbekiston aeroportlarida aviachiptalarni roʻyxatdan oʻtkazish va bagajni rasmiylashtirish jo'nab ketish vaqtidan 2 soat oldin boshlanadi. Roʻyxatdan oʻtish ichki reysning joʻnash vaqtidan 30 daqiqa oldin yopiladi. Roʻyxatdan oʻtish paytida olingan bortga chiqish talonini yoʻlovchi samolyotga chiqishda skanerlash uchun taqdim etadi.

“SILK AVIA” MChJ reyslari uchun quyidagi tariflarni qo‘llash qoidalari amal qiladi.

Aviachipta — bu yoʻlovchi va aviakompaniya oʻrtasidagi yoʻlovchi tashish xizmatlarini koʻrsatish toʻgʻrisida shartnoma. Tashish narxining dastlabki hisob-kitobi oferta hisoblanmaydi. Shartnoma toʻlov amaldagi Tariflarni qoʻllash qoidalariga muvofiq toʻliq miqdorda amalga oshirilganidan va chipta rasmiylashtirilganidan keyingina tuzilgan deb hisoblanadi. “SILK AVIA” MChJ chipta yoʻlovchi uchun rasmiylashtirilgunga qadar tariflarni qoʻllash shartlariga oʻzgartirish kiritish huquqini oʻzida saqlab qoladi.

Parvoz kuponlari chiptada koʻrsatilgan qatʼiy yoʻnalish ketma-ketligidagi parvozlar uchun joʻnash punktidan boshlab amal qiladi.

Qayta rasmiylashtirish yoki qayta bron qilish, agar bu tariflarni qoʻllash shartlarida nazarda tutilgan boʻlsa:

Bronlash klassi, tarif turi, yoʻnalishi, tashuvchi, chipta amal qilish muddati oʻzgargan taqdirda, chipta qayta rasmiylashtirilishi lozim.

Joʻnash sanasi yoki reys raqami oʻzgargan, tashuv yoʻnalishi va tarif turi oʻzgarmagan taqdirda, qayta bronlash amalga oshiriladi.

Chiptani qayta rasmiylashtirish yoki qayta bron qilishda yigʻim undiriladi.

Qayta rasmiylashtirish va qayta bron qilish uchun yigʻim bir xil darajada belgilangan va tarif turiga bogʻliq. Yigʻim bir marta, qayta rasmiylashtirish yoki qayta bron qilish uchun qoʻllaniladi. Qayta rasmiylashtirish yoki qayta bron qilish uchun yigʻim dastlab rasmiylashtirilgan chipta uchun tariflarni qoʻllash qoidalariga muvofiq, yaʼni oʻzgarishi nazarda tutilgan tarif uchun undiriladi.

ORZU PLUS – Avichipta sinfi – H; Aviachiptaning amal qilish muddati – 3 oy; Qo‘ly yuki – 5 kg; Bagaj tashish me’yorlari – 20 kg ; Parvozdan kamida 2 soat oldin chiptani qayta bron qilish – 0 UZS; Parvozga 2 soatdan kam vaqt qolganda chiptani qayta bron qilish – 0 UZS; Parvozdan keyin chiptani qayta bron qilish – 0 UZS; Parvozdan kamida 2 soat oldin chiptani qaytarish – 0 UZS; Parvozga 2 soatdan kam vaqt qolganda chiptani qaytarish – 0 UZS; Chiptani jo‘nashdan keyin, sotib olingan kundan boshlab 12 oy ichida qaytarish – 145 000 UZS.

ORZU – Avichipta sinfi – O; Aviachiptaning amal qilish muddati – 3 oy; Qo‘ly yuki – 5 kg; Bagaj tashish me’yorlari – 20 kg ; Parvozdan kamida 2 soat oldin chiptani qayta bron qilish – 0 UZS; Parvozga 2 soatdan kam vaqt qolganda chiptani qayta bron qilish – 75 000 UZS; Parvozdan keyin chiptani qayta bron qilish – 75 000 UZS; Parvozdan kamida 2 soat oldin chiptani qaytarish – 145 000 UZS; Parvozga 2 soatdan kam vaqt qolganda chiptani qaytarish – 145 000 UZS; Chiptani jo‘nashdan keyin, sotib olingan kundan boshlab 3 oy ichida qaytarish – 145 000 UZS.

OMAD PLUS – Avichipta sinfi - Y; Aviachiptaning amal qilish muddati – 3 oy; Qo‘ly yuki – 5 kg; Bagaj tashish me’yorlari – 20 kg ; Parvozdan kamida 2 soat oldin chiptani qayta bron qilish - 75 000 UZS; Parvozdan 2 soat oldin chiptani qayta bron qilish - 115 000 UZS; Parvozdan keyin chiptani qayta bron qilish - 190 000 UZS; Parvozdan kamida 2 soat oldin chiptani qaytarish - 190 000 UZS; Chiptani jo‘nashdan 2 soat oldin qaytarish - 215 000 UZS; Chiptani jo‘nashdan keyin, chiqarilgan kundan boshlab 3 oy ichida qaytarish - 215 000 UZS.

OMAD – Avichipta sinfi - B; Aviachiptaning amal qilish muddati – 3 oy; Qo‘ly yuki – 5 kg; Bagaj tashish me’yorlari – 20 kg; Parvozdan kamida 2 soat oldin chiptani qayta bron qilish - 75 000 UZS; Parvozdan 2 soat oldin chiptani qayta bron qilish - 115 000 UZS; Parvozdan keyin chiptani qayta bron qilish - 215 000 UZS; Parvozdan kamida 2 soat oldin chiptani qaytarish - 190 000 UZS; Chiptani jo‘nashdan 2 soat oldin qaytarish - 215 000 UZS; Chiptani jo‘nashdan keyin, chiqarilgan kundan boshlab 3 oy ichida qaytarish – Taqdim etilmaydi.

OSON PLUS – Avichipta sinfi - M; Aviachiptaning amal qilish muddati – 1 oy; Qo‘ly yuki – 5 kg; Bagaj tashish me’yorlari – 15 kg; Parvozdan kamida 2 soat oldin chiptani qayta bron qilish - 75 000 UZS; Parvozdan 2 soat oldin chiptani qayta bron qilish - 115 000 UZS; Parvozdan keyin chiptani qayta bron qilish – Taqdim etilmaydi; Parvozdan kamida 2 soat oldin chiptani qaytarish - Taqdim etilmaydi; Chiptani jo‘nashdan 2 soat oldin qaytarish - Taqdim etilmaydi; Chiptani jo‘nashdan keyin, chiqarilgan kundan boshlab 3 oy ichida qaytarish - Taqdim etilmaydi.

OSON – Avichipta sinfi - K; Aviachiptaning amal qilish muddati – 1 oy; Qo‘ly yuki – 5 kg; Bagaj tashish me’yorlari – 10 kg; Parvozdan kamida 2 soat oldin chiptani qayta bron qilish - 75 000 UZS; Parvozdan 2 soat oldin chiptani qayta bron qilish - 145 000 UZS; Parvozdan keyin chiptani qayta bron qilish - Taqdim etilmaydi; Parvozdan kamida 2 soat oldin chiptani qaytarish - Taqdim etilmaydi; Chiptani jo‘nashdan 2 soat oldin qaytarish - Taqdim etilmaydi; Chiptani jo‘nashdan keyin, chiqarilgan kundan boshlab 3 oy ichida qaytarish - Taqdim etilmaydi.

ODDIY PLUS – Avichipta sinfi - U; Aviachiptaning amal qilish muddati – 1 oy; Qo‘ly yuki – 5 kg; Bagaj tashish me’yorlari – Bagajsiz; Parvozdan kamida 2 soat oldin chiptani qayta bron qilish - 115 000 UZS; Parvozdan 2 soat oldin chiptani qayta bron qilish - Taqdim etilmaydi; Parvozdan keyin chiptani qayta bron qilish - Taqdim etilmaydi; Parvozdan kamida 2 soat oldin chiptani qaytarish - Taqdim etilmaydi; Chiptani jo‘nashdan 2 soat oldin qaytarish - Taqdim etilmaydi; Chiptani jo‘nashdan keyin, chiqarilgan kundan boshlab 3 oy ichida qaytarish - Taqdim etilmaydi.

ODDIY – Aviachipta klassi – L; Aviachiptaning amal qilish muddati – Nazarda tutilmagan; Qo‘l yuki – 5 kg; Bepul yuk tashishning me’yori – Bagajsiz; Parvozdan kamida 2 soat oldin aviachiptani qayta bron qilish – Taqdim etilmaydi; Parvozdan 2 soat oldin aviachiptani aviachiptani qayta bron qilish – Taqdim etilmaydi; Parvozdan keyin aviachiptani qayta bron qilish – Taqdim etilmaydi; Chiptani jo‘nashdan kamida 2 soat oldin qaytarish – Taqdim etilmaydi; Chiptani jo‘nashdan 2 soat oldin qaytarish – Taqdim etilmaydi; Chiptani jo‘nashdan keyin, chiqarilgan kundan boshlab 3 oy ichida qaytarish – Taqdim etilmaydi.

* toʻliq foydalanilmagan chipta uchun — tashuv sotilgan sanadan boshlab

* qisman foydalanilgan chipta uchun — dastlabki rasmiylashtirilgan chiptada koʻrsatilgan tashuvning boshlanish sanasidan boshlab.

Bitta chiptada bir nechta segmentlarni qayta rasmiylashtirganda, qayta rasmiylashtirish yoki qayta bron qilish uchun yigʻim qoidalarga muvofiq bir marta undiriladi. Bitta segmentni oʻzgartirishda ushbu segment uchun tariflarni qoʻllash qoidalari qoʻllaniladi.

Qayta rasmiylashtirishda tashuvni qayta hisoblash safarning boshlangʻich nuqtasidan boshlab butun yoʻnalish boʻylab yangi shartlarni hisobga olgan holda amalga oshiriladi. Bunda quyidagi hisoblash qoidalari qoʻllaniladi:

• toʻliq foydalanilmagan chiptani qayta rasmiylashtirishda qayta hisob-kitob qayta rasmiylashtirilgan sanadagi amaldagi tariflar, yig‘imlar va valyuta kurslaridan foydalangan holda amalga oshiriladi.
• qisman foydalanilgan chiptani qayta rasmiylashtirishda qayta hisob-kitob tashuv sotilgan sanadagi amaldagi tariflar, yig‘imlar va valyuta kursidan foydalangan holda amalga oshiriladi.

Dastlabki chiptani almashtirish uchun qayd etilgan har qanday toʻliq foydalanilmagan, qayta rasmiylashtirilgan chipta uchun tashuvning amal qilish muddati tashuv boshlanishining yangi sanasidan kelib chiqib belgilanishi lozim. Qisman foydalanilgan chiptani qayta rasmiylashtirishda yangi chiptaning amal qilish muddati dastlabki chiptada koʻrsatilgan tashuv boshlangan kundan boshlab hisoblanishi zarur.

To‘lovni qaytarish, agar tariflarni qo‘llash shartlarida nazarda tutilgan bo‘lsa:

To‘liq yoki qisman foydalanilmagan chipta uchun to‘lovni qaytarish tashuv sotilgan mamlakatda amalga oshiriladi.

To‘lovni qaytarish tashuv uchun dastlabki to‘lov amalga oshirilgan valyutada amalga oshiriladi. Agar yo‘lovchi chiptani dastlabki sotib olgan joyiga qaytib kela olmasa, to‘lov yo‘lovchining ishonchli vakiliga, u qonuniy rasmiylashtirilgan ishonchnomaga ega bo‘lgan taqdirda, yoki pulni qaytarish mumkin bo‘lgan valyutada da’vo tartibida yuzaga kelgan shart-sharoit bo‘yicha amalga oshiriladi.

Tashuvni ixtiyoriy ravishda bekor qilingan taqdirda, tariflarni qo‘llash qoidalariga muvofiq ixtiyoriy bekor qilish uchun yig‘im undiriladi. Havo tashuvidan ixtiyoriy ravishda voz kechilganda va foydalanilmagan aviachipta uchun pul mablag‘lari qaytarilganda, to‘langan yoqilg‘i yig‘imi summasi qaytarilmaydi.

Tashuvni zarurat yuzasidan bekor qilingan taqdirda (aviakompaniyaning aybi bilan) to‘lovni qaytarish hech qanday yig‘im undirilmagan holda amalga oshiriladi.

Toʻlovni qaytarishning asosiy shartlari:

- agar to‘lovni qaytarish to‘liq foydalanilmagan chipta bo‘yicha amalga oshirilayotgan bo‘lsa, yo‘lovchiga tashuv uchun to‘langan summa qaytarilganlik uchun jarimalar, bunday yigʻimlar tariflarni qo‘llash qoidalarida belgilangan taqdirda, chegirib tashlangan holda qaytariladi.

- agar toʻlovni qaytarish qisman foydalanilgan chipta boʻyicha amalga oshirilayotgan boʻlsa, yoʻlovchiga tashuvning foydalanilmagan segmenti uchun toʻlangan summa, ushbu qaytarilgan segmentga nisbatan qoʻllaniladigan qaytarish yigʻimi chegirib tashlangan holda qaytariladi.

Bunday holatda qaytariladigan to‘lov miqdori quyidagicha shaklda hisoblanadi: foydalanilgan yo‘nalish bo‘yicha tashuv sotilgan kuni amalda bo‘lgan bir tomonlama tarif, barcha zarur jarima yigʻimlari chegirib tashlangan holda, qo‘llaniladigan tarifdan yechib olinadi. Bir tomonlama tarif eʼlon qilinmagan taqdirda, tashuv sotilgan sanada eʼlon qilingan bir tomonlama tarifning eng yuqori darajasi qoʻllaniladi.

Yo‘lovchi yoki uning birgalikda uchayotgan yaqin qarindoshlari vafot etgan taqdirda, qo‘llaniladigan tarif turidan qat’i nazar, tasdiqlovchi hujjatlar taqdim etilgan holda, jarima to‘lovlarini chegirib tashlamasdan qaytarilishiga ruxsat etiladi.

Yuqoridagi sabablarga koʻra chiptalarni qaytarish uchun “SILK AVIA” MChJga murojaat qilish va qaytarish sababiga mos keladigan tasdiqlovchi hujjatlarga taqdim etish lozim, xususan:

1. “Parvozni bekor qilish toʻgʻrisidagi dalolatnoma”

2. “Tashuv xizmatlarini koʻrsatishda rad etish toʻgʻrisidagi dalolatnoma”

3. Yo‘lovchining o‘limi to‘g‘risidagi guvohnoma

Muhim! ATR72-600 samolyotining texnik xususiyatlari tufayli kompaniya bortga faqat WCHR yo‘lovchilarini qabul qilishi mumkin. Bu samolyotga yoki samolyotdan harakatlanayotganda nogironlar aravachasiga muhtoj bo'lgan, ammo zinapoyadan ko'tarilish/tushish va salondagi o'rindig'iga o'zi yurib bora oladigan yo'lovchidir. Uchib ketishga tayyorgarlik koʻrishda albatta biz bilan bogʻlaning va qanday shakldagi yordam zarur boʻlishi mumkinligini aniqlashtiring. Harakatlanish imkoniyati cheklangan yoʻlovchilarni tashuvga qabul qilish toʻgʻrisidagi yakuniy qaror aviakompaniya tomonidan qabul qilinadi.

Chipta Narxlari Qoidalari:

• 2 yoshgacha bo‘lgan chaqaloq uchun (qo‘shimchao‘rindiqsiz) aviachipta narxi kattalar chipta narxining 25% ni tashkil etadi.
• 2 yoshdan 12 yoshgacha bo‘lgan bolalar uchun) aviachipta narxi kattalar chipta narxining 75% ni tashkil etadi.

“Silk Avia” MChJning shaxsga doir ma’lumotlar maxfiyligi siyosati 1.Umumiy qoidalar 1.1. Mazkur Shaxsga doir ma’lumotlar maxfiyligi siyosati (keyingi o‘rinlarda - Siyosat) Yevropa Ittifoqining 2016/679-sonli ma’lumotlarni himoya qilish boʻyicha Umumiy reglamenti va Oʻzbekiston Respublikasining 2019-yil 2-iyuldagi “Shaxsiy ma’lumotlarni himoya qilish toʻgʻrisida”gi OʻRQ-547-son Qonuniga muvofiq ishlab chiqilgan. 1.2. Ushbu Siyosat “Silk Avia” MChJ (keyingi o‘rinlarda - “Operator”) tomonidan qayta ishlangan barcha ma’lumotlarga nisbatan qo‘llaniladi. 1.3. Ushbu Siyosatni ishlab chiqishdan maqsad Operator shaxsiy ma’lumotlarni qayta ishlashda amal qiladigan asosiy tamoyillarni, shuningdek Operator tomonidan shaxsiy ma’lumotlarni qayta ishlash maqsadlarini aniqlashdan iborat. 1.4. Ushbu Siyosat qoidalari Operatorning barcha xodimlari, Operatorga shaxsiy ma’lumotlarni taqdim etuvchi yoki qabul qiluvchi tashkilotlar, shuningdek Operator bilan shartnomaviy munosabatlarda bo‘lgan shaxslar uchun majburiy. 1.5. Ushbu Siyosat keltirilgan havola orqali Operatorning veb-saytida, shuningdek Operator bilan alohida shartnomalari bor uchinchi shaxslar (agentlar) orqali tashish xizmatlarini sotib olish yo‘li bilan tuzilgan Yo‘lovchilar va bagajni ichki havo yo‘nalishlarida tashish to‘g‘risidagi Shartnomaning shartlariga to‘liq holda kiritiladi. 1.6. Operatorning sayti xizmatlari va mobil ilovasidan foydalanish Foydalanuvchining ushbu Siyosat va unda ko‘rsatilgan shaxsiy ma’lumotlarni qayta ishlash shartlari bilan so‘zsiz roziligini anglatadi; ushbu shartlarga rozi bo‘lmagan taqdirda, Foydalanuvchi Operator xizmatlaridan foydalanishdan bosh tortishi kerak. 1.7. Shaxsiy ma’lumotlarni qayta ishlash va saqlash muddatlari uch oyni tashkil etadi. 1.8. Ushbu Siyosatda aniq ko‘rsatilmagan shartlar O‘zbekiston Respublikasining amaldagi qonun hujjatlariga muvofiq tartibga solinadi. 2.Atamalar va ta’riflar Cookies - veb-server tomonidan yuborilgan va foydalanuvchining kompyuterida saqlanadigan, veb-mijoz yoki veb-brauzer har safar tegishli resurs sahifasini ochishga harakat qilganda HTTP so‘rovida veb-serverga yuboradigan ma’lumotlarning kichik qismi. Shaxsiy ma’lumotlarni avtomatlashtirilgan tarzda qayta ishlash – hisoblash texnikasidan foydalangan holda shaxsiy ma’lumotlarni qayta ishlash; Tashish shartnomasi – “Silk Avia” MChJ rasmiy veb-saytida e’lon qilingan “Silk Avia” MChJ www.silk-avia.com saytida joylashtirilgan Ofertani qabul qilish yoʻli bilan Yoʻlovchilar va “Silk Avia” MChJ oʻrtasida yoʻlovchilar va bagajni ichki havo yo‘nalishlarida tashish shartnomasi; Shaxsiy ma’lumotlarning maxfiyligi – mulkdor va (yoki) operator yoki shaxsiy ma’lumotlarga kirish huquqiga ega bo‘lgan boshqa shaxs tomonidan subyektning roziligisiz yoki boshqa qonuniy asosga ega bo‘lmasdan ularni oshkor qilish va tarqatishga yo‘l qo‘yilmasligi to‘g‘risidagi majburiy talab; Mobil ilova - ushbu siyosat maqsadlari uchun havola orqali yuklab olish mumkin bo‘lgan mobil ilova: https://play.google.com/store/apps/details?id=com.hititcs.silkavia&pli=1; shaxsga doir ma’lumotlarni qayta ishlash — shaxsga doir ma’lumotlarni yig‘ish, tizimlashtirish, saqlash, o‘zgartirish, to‘ldirish, ulardan foydalanish, ularni berish, tarqatish, uzatish, egasizlantirish va yo‘q qilish bo‘yicha bir harakatni yoki harakatlar majmuini amalga oshirish; Operator - ushbu Siyosat maqsadlari uchun shaxsiy ma’lumotlarni qayta ishlovchi yuridik shaxs, ya’ni “Silk Avia” MChJ; shaxsga doir ma’lumotlar — muayyan jismoniy shaxsga taalluqli bo‘lgan yoki uni identifikatsiya qilish imkonini beradigan, elektron tarzda, qog‘ozda va (yoki) boshqa moddiy jismda qayd etilgan axborot va odatda familiyasi, ismi, otasining ismi, tug‘ilgan sanasi, fuqaroligi, pasport ma’lumotlari, manzili, joylashgan joyi, elektron pochta manzili, telefon raqami kabi ma’lumotlarni, shuningdek yuk tashuvlari shartnomasini tuzish va bajarish paytida olingan boshqa ma’lumotlarni o’z ichiga oladi; Siyosat - Shaxsga doir ma’lumotlar maxfiyligi siyosati; Foydalanuvchi - shaxsiy ma’lumotlar tegishli bo‘lgan jismoniy shaxs; Sayt - ushbu Siyosat maqsadlari uchun “Silk Avia” MChJ veb-sayti elektron pochta manzili: www.silk-avia.com Xizmatlar - tashish xizmatlarini bron qilish xizmatlari, shuningdek, Operator qatnovlariga Foydalanuvchilarni (yo‘lovchilarni) onlayn ro‘yxatdan o‘tkazish, Operator veb-sayti va ilovasiga tashrif buyurish va undan foydalanish; Maxsus shaxsiy ma’lumotlar - irqiy yoki ijtimoiy kelib chiqishi, siyosiy, diniy yoki mafkuraviy e’tiqodlari, siyosiy partiyalar va kasaba uyushmalariga a’zoligi, shuningdek jismoniy yoki ruhiy (psixologik) salomatligiga oid ma’lumotlar, Foydalanuvchining shaxsiy hayoti va sudlanganligi haqidagi ma’lumotlar. Uchinchi shaxs — Foydalanuvchi va Operator bo‘lmagan, ammo shaxsga doir ma’lumotlarni qayta ishlash holatlari yoki munosabatlar orqali ular bilan bog‘liq bo‘lgan har qanday shaxs. 3.Shaxsga doir ma’lumotlarni qayta ishlash prinsiplari 3.1. shaxsga doir ma’lumotlarni qayta ishlash maqsadlari va usullarining qonuniyligi; 3.2. shaxsga doir ma’lumotlarning maxfiyligi va himoya qilinganligi; 3.3. shaxsga doir ma’lumotlarni qayta ishlashning qonuniyligi, adolatliligi va ochiqligi; 3.4. shaxsga doir ma’lumotlardan foydalanishni maqsadli cheklash; 3.5. Foydalanuvchilar uchun shaxsga doir ma’lumotlardan foydalanish imkoni mavjudligi. 4. Shaxsga doir ma’lumotlarni qayta ishlash maqsadlari 4.1. Operator tashish shartnomasini bajarish uchun shaxsga doir ma’lumotlarni quyidagi jihatlarni inobatga olgan, lekin ular bilan cheklanmagan holda qayta ishlaydi: 4.1.1. aviatsiya xavfsizligini va parvozlar xavfsizligini ta’minlash; 4.1.2. tashish xizmatlari iste’molchilari bilan aloqani ta’minlash; 4.1.3. jo‘nash va qo‘shimcha xizmatlarni olish parametrlarining o‘zgarishi to‘g‘risida Foydalanuvchilarni (yo‘lovchilarni) qo‘shimcha xabardor qilish; 4.1.4. kutish zallariga kirishni ta’minlash; 4.1.5. aviachiptalarni qaytarishda o‘zaro hisob-kitoblarning tegishli operatsiyalarini amalga oshirish; 4.1.6. qonunlar va boshqa normativ-huquqiy hujjatlarga rioya etilishini ta’minlash; 4.2. Shaxsga doir ma’lumotlar marketing maqsadlarida ham qayta ishlanadi: 4.2.1. audit (tekshiruv) o‘tkazish; 4.2.2. xizmat ko‘rsatish sifatini yaxshilash maqsadida aviakompaniya veb-saytida, o‘z sotuvlar xizmatida, aeroportlar yoki havo kemalari bortida so‘rovlar o‘tkazish; 4.2.3. tarixiy, statistik, sotsiologik, ilmiy tadqiqotlarni shaxssizlantirish sharti bilan o‘tkazish. 5.Shaxsga doir ma’lumotlarni o‘zgartirish va to‘ldirish 5.1. Operator foydalanuvchining so‘rovi asosida so‘rov olingan kundan boshlab uch kundan kechiktirmay Shaxsga doir ma’lumotlarni o‘zgartirish yoki to‘ldirish majburiyatini oladi. 5.2. Operator haqiqatga mos kelmaydigan shaxsga doir ma’lumotlarni darhol o‘zgartirish yoki to‘ldirish huquqiga ega. 6.Operator majburiyatlari 6.1. shaxsga doir ma’lumotlarni qayta ishlash bilan bog‘liq barcha tadbirlarni tashkil etish va nazorat qilish; 6.2. shaxsga doir ma’lumotlarni yig‘ish, qayd etish, tizimlashtirish, to‘plash, saqlash, aniqlashtirish (yangilash, o‘zgartirish), ajratib olish, foydalanish, uzatish (ta’minlash, kirishni ta‘minlash), o‘chirish, yo‘q qilish orqali qo‘lda va avtomatlashtirish vositalaridan foydalangan holda qayta ishlash; 6.3. Operator sheriklarining avtomatlashtirilgan tizimlari tomonidan shaxsga doir ma’lumotlarni yig‘ish, qayd etish, tizimlashtirish, to‘plash, saqlash, aniqlashtirish (yangilash, o‘zgartirish), ajratib olish, foydalanish, uzatish (ta’minlash, kirishni ta’minlash), o‘chirish, yo‘q qilish orqali qo‘lda va avtomatlashtirish vositalaridan foydalangan holda qayta ishlashda tegishli ishonchlilik darajasini ta’minlash; 6.4. operator xodimlari tomonidan shaxsga doir ma’lumotlarning maxfiyligini ta’minlash; 6.5. Shaxsiy ma’lumotlarni tarixiy, statistik, sotsiologik, ilmiy tadqiqotlar uchun qayta ishlash jarayonida shaxssizlantirish; 6.6. shaxsga doir ma’lumotlarni qayta ishlash maqsadiga erishgandan keyin, foydalanuvchining ularni qayta ishlashga roziligi qaytarib olinganda va Foydalanuvchining roziligi bilan belgilanadigan ularni qayta ishlash muddati tugashi va sud qarori kuchga kirgan hollarda yo‘q qilish; 6.7. Foydalanuvchining shaxsga doir ma’lumotlarini qayta ishlash bilan bog‘liq ma’lumotlarni taqdim etish. 7.Operator huquqlari 7.1. shaxsga doir ma’lumotlarni uchinchi shaxslarga, shu jumladan bojxona va immigratsiya idoralariga, boshqa aviakompaniyalarga, aeroportlarga va qo‘shimcha xizmat ko‘rsatuvchi provayderlarga uzatish; 7.2. Foydalanuvchining shaxsga doir ma’lumotlarini amaldagi qonun hujjatlariga rioya qilgan holda O‘zbekiston Respublikasining vakolatli davlat va huquqni muhofaza qiluvchi va boshqa organlariga topshirish; 7.3. Aviatsiya xavfsizligi va parvozlar xavfsizligini ta’minlash, aviachiptalarni bron qilish, rasmiylashtirish va aviachiptalarga o‘zgartirishlar kiritish, tashish va qo‘shimcha xizmatlar uchun to‘lovlarni amalga oshirish (shu jumladan bank (to‘lov) kartalaridan foydalangan holda), foydalanuvchilarga (yo‘lovchilarga) xizmat ko‘rsatish sifatini oshirish, aviaqatnovlarning hamyonbopligini ta’minlash maqsadida operator-hamkor tashkilotlarga shaxsiy ma’lumotlarni (shu jumladan, transchegaraviy shaxsiy ma’lumotlarni uzatish doirasida) uzatish; 7.4. Foydalanuvchiga uning shaxsiga doir ma’lumotlarni qayta ishlash bilan bog‘liq ma’lumotlarni taqdim etishdan bosh tortish, agar subyekt ilgari uning shaxsiga doir ma’lumotlarni qayta ishlash to‘g‘risida xabardor qilingan bo‘lsa; shaxsga doir ma’lumotlar ommaga taqdim etilsa yoki umumiy manbadan olingan bo‘lsa; bunday ma’lumotlarni taqdim etish jismoniy va yuridik shaxslarning huquqlari va qonuniy manfaatlarini buzilishiga olib keladi. Bunda, shaxsga doir ma’lumotlarni qayta ishlash bilan bog‘liq ma’lumotlarni taqdim etishni rad etish to‘g‘risidagi xabarnoma so‘rov yuborgan subyektga o‘n kun ichida yozma ravishda yuboriladi. 8.Foydalanuvchi majburiyatlari 8.1. Operatorga haqiqatga mos keladigan shaxsga doir ma’lumotlarni taqdim etish; 8.2. shaxsga doir ma’lumotlardagi barcha o‘zgarishlar haqida Operatorni o‘z vaqtida xabardor qilish. 9.Foydalanuvchi huquqlari 9.1. Operator servislarini yuklab olish va/yoki foydalanish orqali shaxsiga doir ma’lumotlarni qayta ishlash va/yoki tarqatishga rozilik berishni va/yoki rad etishni rasmiylashtirish; 9.2. shaxsga doir ma’lumotlar va ularning tarkibi, unda va uchinchi shaxsda mavjudligi to‘g‘risida xabardor qilinish; 9.3. so‘rov bo‘yicha Operatordan shaxsga doir ma’lumotlarni qayta ishlash to‘g‘risida ma’lumotlarni olish; 9.4. vakolatli davlat organiga yoki sudga o‘z shaxsiga doir ma’lumotlarga nisbatan huquq va qonuniy manfaatlarini himoya qilish to‘g‘risida murojaat qilish; 9.5. Shaxsga doir ma’lumotlar to‘liq bo‘lmagan, eskirgan, noto‘g‘ri, noqonuniy ravishda olingan yoki qayta ishlash maqsadlari uchun zarur bo‘lmagan bo‘lsa, Operatordan o‘z shaxsiga doir ma’lumotlarni qayta ishlashni vaqtincha to‘xtatishni talab qilish; 9.6. Shaxsiga doir ma’lumotlarni qayta ishlashga bergan roziligini yozma ravishda, shuningdek Operatorning rasmiy pochta manziliga ariza to‘ldirish orqali bekor qilish; 9.7. Shaxsga doir ma’lumotlarni qayta ishlash bilan bog‘liq ma’lumotlarni taqdim etishni rad etish to‘g‘risidagi Operatorning qarori ustidan sudga yoki vakolatli organga shikoyat qilish. 10.Cookie-fayllarni qayta ishlash siyosati 10.1. Operatorning veb-saytiga va mobil ilovasiga tashrif buyurish va undan foydalanish Foydalanuvchining shaxsga doir ma’lumotlarni qayta ishlash shartlariga to‘liq va so‘zsiz roziligini bildiradi. 10.2. Operator veb-sayti Cookie-fayllarning turli toifalaridan foydalanadi: 10.2.1. Majburiy cookie-fayllari, ya’ni, saytda xarid qilish va bron qilish uchun juda zarur bo‘lgan cookie-fayllar. 10.2.2. Funktsional Cookie-fayllar, ya’ni veb-sayt bo‘ylab harakatlanish va uning imkoniyatlaridan foydalanish, tanlov ma’lumotlarini yozib olish va veb-saytni foydalanuvchi ehtiyojlariga moslashtirish imkonini beradi. Masalan, foydalanuvchi kiritgan ma’lumotlarni eslab qolish va afzal tilni saqlash kabi; 10.2.3. Analitik/statistik Cookie-fayllar, sayt ish faoliyatini yaxshilashga va uni foydalanuvchilarga qulayroq qilishga yordam beradigan fayllar. Analitik Cookie-fayllar orqali xizmatlarning sifati va/yoki samaradorligi to‘g‘risida ma’lumotlar olinadi. 10.2.4. Doimiy cookie-fayllar - brauzer tomonidan saqlanadigan va saqlash shartlari tugagunga qadar (sessiya oxirida (masalan, brauzer yopilganda; agar amal qilish muddati ko‘rsatilgan bo‘lsa va saqlash muddati tugagan bo‘lsa) amal qiladigan fayllar; brauzer foydalanuvchining iltimosiga binoan cookie-fayllarni o‘chirib tashladi). 10.2.5. Sessiya Cookie – fayllari-muddati tugagandan so‘ng yaroqsiz holga keladigan fayllar. 10.3. Foydalanuvchi "Majburiy cookie-fayllar" toifasiga kiruvchi cookie-fayllardan foydalanishdan bosh tortsa, veb-saytning ba’zi funksiyalaridan foydalana olmasligiga rozilik beradi. 11.Kafolatlar 11.1. Operator foydalanuvchining shaxsga doir ma’lumotlaridan ruxsatsiz yoki tasodifiy foydalanish, yo‘q qilish, o‘zgartirish, bloklash, nusxalash, tarqatish, shuningdek, uchinchi shaxslarning u bilan bo‘lgan boshqa noqonuniy harakatlaridan himoya qilish uchun zarur va yetarli tashkiliy va texnik choralarni ko‘rishini kafolatlaydi. 11.2. Operator foydalanuvchining maxsus shaxsga doir ma’lumotlarini ishlov quyidagi hollardan tashqari boshqa hollarda qayta ishlamasligiga kafolat beradi: 11.3.1. milliy xavfsizlikni tashqi va ichki tahdidlarga qarshi ta’minlash uchun vakolatli davlat organi tomonidan bunday qayta ishlash zarur boʻlganda; 11.3.2. agar bunday ma’lumotlar Foydalanuvchi tomonidan ochiq manbalarda e’lon qilingan bo‘lsa; 11.3.3. subyektning yoki boshqa shaxslarning huquqlari va qonuniy manfaatlarini himoya qilish uchun zarur bo‘lganda; 11.3.4. qo‘zg‘atilgan jinoyat ishi, ijro ishi yuritish doirasida sudlar va tegishli huquqni muhofaza qiluvchi organlar faoliyatini amalga oshirish; 11.3.5. prokuratura organlari tomonidan jinoyatdan olingan daromadlarni legallashtirishga va terrorizmni moliyalashtirishga qarshi kurashishga qaratilgan chora-tadbirlarni amalga oshirish; 11.3.6. davlat statistika organlari faoliyatini amalga oshirish, shuningdek, boshqa davlat organlari shaxsga doir ma’lumotlardan statistik maqsadlarda foydalanilganda, ularni majburiy ravishda shaxssizlashtirish sharti bilan; 11.3.7. tibbiy va ijtimoiy xizmatlar ko‘rsatish yoki tibbiy diagnostika, davolashni o‘rnatish, agar bunday ma’lumotlar shaxsga doir ma’lumotlarning himoyasini ta’minlash uchun mas’ul bo‘lgan tibbiy xodim yoki sog‘liqni saqlash muassasasining boshqa shaxsi tomonidan qayta ishlangan bo‘lsa. 12.Maxfiylik siyosatini o‘zgartirish. Qo'llaniladigan qonun hujjatlari 12.3. Operator ushbu Siyosatga o‘zgartirishlar kiritish huquqiga ega. 12.4. Joriy versiyaga o‘zgartirishlar kiritilganda, oxirgi yangilanish sanasi ko֥‘rsatiladi. 12.5. Siyosatning yangi versiyasi, agar Siyosatning yangi tahririda boshqacha qoida nazarda tutilgan bo‘lmasa, Operator veb-saytida joylashtirilgan paytdan boshlab kuchga kiradi. 13.Qayta aloqa Foydalanuvchi ushbu Siyosat bo‘yicha barcha taklif yoki savollarni Foydalanuvchilarni qo‘llab-quvvatlash xizmatiga +99855 501-22-12 raqami orqali yoki 100167, O‘zbekiston Respublikasi, Toshkent shahri, Sergeli tumani, Qumariq ko‘chasi 13 manziliga yuborish huquqiga ega. Nashr qilingan sana: 2023-yil 28-iyul

Aviakompaniya xabar beradi

parvoz vaqtining kechiktirilishida:

- yo‘lovchilarga - ular aviachipta rasmiylashtirishda taqdim etgan telefon raqamiga va elektron pochta manzillariga SMS-xabarnomalar yuborish;
- parvozning amalga oshirilmagan qismi uchun foydalanilmagan aviachipta to‘lovlarini to‘liq qaytarilish;
- aviachiptalardagi qatnov kuni va/yoki vaqtini mavjud parvoz kuniga va/yoki vaqtiga qayta rasmiylashtirish;
- qatnov 2 soat va undan ko‘proq kechiktirilganida ichimliklar (suv, choy) bilan ta’minlash.

parvozning bekor qilinishida:

- yo‘lovchilarga - ular aviachipta rasmiylashtirishda taqdim etgan telefon raqamiga va elektron pochta manzillariga SMS-xabarnomalar yuborish;
- parvozning amalga oshirilmagan qismi uchun foydalanilmagan aviachipta to‘lovlarini to‘liq qaytarilish;
- aviachiptalardagi qatnov kuni va/yoki vaqtini mavjud parvoz kuniga va/yoki vaqtiga qayta rasmiylashtirish.

harakat jadvali rejalashtirilgan o‘zgartirilishida (ko‘chirish/bekor qilish):

- yo‘lovchilarni - aviachipta rasmiylashtirishda ular tomonidan ko‘rsatilgan telefon raqami orqali xabardor qilish (qo‘ng‘iroq);
- yo‘lovchilarga - ular aviachipta rasmiylashtirishda taqdim etgan telefon raqamiga va elektron pochta manzillariga SMS-xabarnomalar yuborish;
- parvozning amalga oshirilmagan qismi uchun foydalanilmagan aviachipta to‘lovlarini to‘liq qaytarilish;
- aviachiptalardagi qatnov kuni va/yoki vaqtini mavjud parvoz kuniga va/yoki vaqtiga qayta rasmiylashtirish.

yengib bo‘lmas kuch holatlarida muqobil aeroportga jo‘nab ketish/kelish:

- parvozning amalga oshirilmagan qismi uchun foydalanilmagan aviachipta to‘lovlarini to‘liq qaytarilish;
- aviachiptalardagi qatnov kuni va/yoki vaqtini mavjud parvoz kuniga va/yoki vaqtiga qayta rasmiylashtirish;
- aviachiptada ko‘rsatilgan aeroportgacha / aeroportdan transport bilan ta’minlash;

parvoz yo‘nalishini o‘zgartirish (zaxiradagi aeroportga qo‘nish):

- parvozning amalga oshirilmagan qismi uchun foydalanilmagan aviachipta to‘lovlarini to‘liq qaytarilish;
- aviachiptalardagi qatnov kuni va/yoki vaqtini mavjud parvoz kuniga va/yoki vaqtiga qayta rasmiylashtirish;
- belgilangan aeroportga uchish vaqtini kutish 2 soat yoki undan ko‘proq vaqtni talab etsa, ichimliklar (suv, choy, qahva) bilan ta’minlash;
- agar uchish vaqtini kutish 4 soat va undan ortiq bo‘lsa, vaziyatga qarab yo‘lovchilarni yegulik bilan ta’minlash (yengil tamaddi –buterbrodlar/pechenye/sneklar);
- agar parvoz vaqtini kutish kunduzi 12 soatdan va kechasi 6 soatdan ortiqni talab qilsa, aviakompaniya rahbariyatining qarori bilan parvozni kutish vaqtiga mehmonxona ajratiladi.

* yengib bo‘lmas kuchlar – noqulay ob-havo sharoiti (tuman, do‘l, qor, kuchli yomg‘ir va/yoki favqulodda vaziyatlar).

Eslatma:

Agar siz ixtiyoriy ravishda parvoz vaqtini o'zgartirsangiz:
- Uchish sanalarini aviachiptalarga almashtirish “Uzbekistan Airways Sales” markaziy agentligida yoki O‘zbekiston Respublikasi aeroportlarining aviakassalarida.
Ixtiyoriy ravishda uchishdan bosh tortgan taqdirda:
- Foydalanilmayotgan aviachiptalar uchun to'lov faqat sotib olingan joyda (agar to'lovni qaytarish tarif qoidalarida nazarda tutilgan bo'lsa) amalga oshiriladi.
- Silk Avia elektron sahifasi orqali onlayn xarid qilingan foydalanilmagan aviachiptalar uchun pul mablag‘lari tarif turiga muvofiq, aviakompaniya veb-sayti yoki mobil ilovasidagi “Buyurtmani bekor qilish” bo‘limidagi ma’lumotlarni hamda xizmat ko‘rsatuvchi bank hisob raqamlarini yakka tartibda to‘ldirish orqali qaytariladi (Foydalanilmagan aviachipta pullarini qaytarish uchun yo‘lovchi tomonidan to‘ldirilgan so‘rovnomalarni ko‘rib chiqish 10 ish kunida amalga oshiriladi).

Silk Avia 5 yoshdan 16 yoshgacha bo‘lgan, ota-onasi yoki qonuniy vakilisiz sayohat qilayotgan bolalar uchun kuzatuv xizmatini taklif etadi. Biz parvozning barcha bosqichlarida – ro‘yxatdan o‘tishdan tortib, yakuniy manzildagi aeroportda kutib oluvchiga topshirishgacha – to‘liq xavfsizlik, e’tibor va g‘amxo‘rlikni ta’minlaymiz.

Bu qanday amalga oshiriladi?
Parvozdan oldin:
• Bola jo‘nab ketish aeroportida aviakompaniya xodimiga topshiriladi.
• Ota-onalar (yoki vasiylar) aviaqatnov jo‘nab ketgunga qadar aeroport binosida qolishlari shart.
• Barcha zarur hujjatlar ro‘yxatdan o‘tish ustunlarida rasmiylashtiriladi.

Kerakli hujjatlar:
• Bolaning pasporti yoki shaxsni tasdiqlovchi boshqa hujjat
• Aviachipta (marshrut kvitansiyasi)
• Tibbiy ma’lumotnoma (agar zarurat bo‘lsa)
• “Kuzatib borilmayotgan bolani tashish uchun so‘rovnoma” va javobgarlik deklaratsiyasi (aeroportda to‘ldiriladi)

Hujjatlar UM maxsus konvertiga joylashtiriladi va bola sayohat davomida ushbu konvert bilan kuzatiladi.

Samolyotga chiqishda
Bizning xodimimiz:
1. Bolani ro‘yxatdan o‘tkazadi va yukiga UM yorlig‘ini biriktiradi
2. Uni barcha nazorat bosqichlaridan o‘tishida kuzatib boradi
3. Bolani samolyotda bortkuzatuvchiga qabul qilib olinganligi to‘g‘risidagi imzosi bilan shaxsan topshiradi.

Yetib borgach:
• Silk Avia xodimi bolani kutib oladi, pasport nazoratidan o‘tish va yukni olishda yordam beradi.
• Bola faqat oldindan ko‘rsatilgan, vakolatli shaxsga hujjat asosida va imzo bilan topshiriladi.

Muhim:
Agar kutib oluvchi shaxs so‘rovda ko‘rsatilgan ma’lumotlarga mos kelmasa, darhol ota-onalar bilan bog‘laniladi va xavfsizlik protokollariga muvofiq harakat qilinadi. Zarurat tug‘ilganda bola qaytish aviaqatnovi orqali qaytarilishi yoki tegishli xizmatlarga topshirilishi mumkin.

Buning qulayligi va xavfsizligi nimada:
• Sayohatning barcha bosqichlarida kuzatib borish
• Shaxsiy e’tibor va nazorat
• Ota-onalar uchun xotirjamlik
• Bola uchun qulaylik va ishonch

Farzandingiz butun sayohat davomida o‘zini qulay va xavfsiz his qilishi uchun biz har doim yoningizdamiz! Agar savollaringiz bo‘lsa, biz bilan +998 55 501 22 12 telefon raqami orqali bog‘laning yoki aeroportdagi ro‘yxatdan o‘tish ustunidagi xodimlarimizga murojaat qiling.